अक्कलकुवा दि ९(प्रतिनिधी)
तालुक्यात महाराष्ट्र ग्रामीण रोजगार हमी योजनेसह विविध विभागांमार्फत पावसाळा तोंडावर येऊनही अपेक्षित रोजगार उपलब्ध करून न दिल्याने आमदार आमश्या पाडवी यांनी तीव्र नाराजी व्यक्त केली. रोजगारासाठी होणारे आदिवासी मजुरांचे स्थलांतर व त्यातून होणारी पिळवणूक कधी थांबेल, असा प्रश्न अधिका-या समक्ष उपस्थित केला. जे अधिकारी काम करत नाही, त्यांना सोडणार नाही, असा खूला दम देत, मी शांत बसणारा, आराम करणारा पुढारी नाही. मला काम पाहिजे. जे अधिकारी काम करणार नाहीत, त्यांची रितसर तक्रार करून त्यांना घरी पाठवेल. असा इशारा त्यांनी मेळाव्यात दिला.
जनता दरबारात आलेल्या सामान्य नागरिकांच्या विविध समस्या आणि त्यांचे म्हणणे ऐकुन जागेवर त्यांच्या समस्या व प्रश्न देखील सोडविण्यात आले. त्यामुळे अनेक महिन्यांपासुन आपल्या कामासाठी विविध शासकीय कार्यालयांचे उंबरठे झिजवणाऱ्या नागरिकांना मोठा दिलासा मिळाला आहे.
