मुंबई उच्च न्यायालय खंडपीठ औरंगाबाद : शिक्षक पदभरती प्रकरण : पेसा क्षेत्राचे लाभ/ सवलत विचारात घेण्याचे मुंबई उच्च न्यायालयाच्या औरंगाबाद खंडपीठाचे आदेश

 मुंबई उच्च न्यायालय खंडपीठ औरंगाबाद : शिक्षक पदभरती प्रकरण : पेसा क्षेत्राचे लाभ/ सवलत विचारात घेण्याचे महत्त्वपूर्ण आदेश 

नंदूरबार- याचिकाकर्ती भारती प्रतापसिंग तडवी, रा अक्कलकुवा , हिने सचिव, शालेय शिक्षण व क्रिडा विभाग, मंत्रालय, मुंबई, आयुक्त, महाराष्ट्र राज्य शिक्षण परिषद, पुणे, उपआयुक्त व शिक्षण संचालक, यांच्या विरुद्ध सहाय्यक शिक्षक पदासाठी पवित्र पोर्टल मार्फत स्व प्रमाणपत्र पूर्ण करण्याबाबत व भरती प्रक्रियेत सहभागी होण्यासाठी ऑनलाइन अर्ज स्विकारण्यासाठी मुंबई उच्च न्यायालय खंडपीठ औरंगाबाद येथे एडवोकेट गजेंद्र देविचंद जैन (भंसाली) (9518323726) यांच्यामार्फत रिट याचिका दाखल केली होती. थोडक्यात माहिती अशी कि, याचिकाकर्ते हिची शैक्षणिक पात्रता एम. एस. सी. बी. एड. असून सीटीइटी व टेट ही परीक्षा सुद्धा उत्तीर्ण केलेली आहे. याचिकाकर्ती हिने  मुख्य कार्यकारी अधिकारी, जिल्हा परिषद नंदूरबार, यांना देखील गुणानुक्रमे पेसा क्षेत्रात शिक्षक भरती प्रक्रियेत नाव समाविष्ट करण्यासाठी निवेदन दिले होते. याचिकाकर्ती ही सहाय्यक शिक्षक पदासाठी पवित्र पोर्टल मार्फत अर्ज करण्यासाठी पात्र असूनही अर्ज स्विकारण्यात आले नव्हते. प्रतिवादी यांनी सुद्धा शिक्षक अभियोग्यता व बुद्धिमत्ता चाचणीनुसार शिक्षक पदभरती करण्यासाठी उमेदवारांकडून स्व प्रमाणपत्र पूर्ण करण्यासाठी उमेदवारांसाठी वेळोवेळी सूचना प्रकाशित केली होती. याचिकाकर्ती हिने सुद्धा न्यायालयाने पारित केलेल्या निर्णयांचे संदर्भ दिलेले होते. मुंबई उच्च न्यायालय खंडपीठ औरंगाबाद ( न्यायमूर्ती श्री. रविंद्र वि. घुगे व  न्यायमूर्ती श्री. वाय. जी. खोब्रागडे) यांनी दिनांक ०१.११.२०२३ रोजीच्या आदेशान्वये पेसा क्षेत्रात जे काही लाभ/ सवलत उपलब्ध असतील ते प्रकरणात प्राधिकारी यांनी विचारात घेण्याचे महत्त्वपूर्ण आदेश दिलेले आहेत. याचिकाकर्ती तर्फे एडवोकेट गजेंद्र देविचंद जैन (भंसाली) (9518323726) यांनी काम पाहिले.