वैजापूर ता. १५: महाराष्ट्रतील राजपूत समाजाच्या सर्वांगीण विकासासाठी शासन कटिबद्ध असून लवकरच या समाजासाठी महाराणा प्रतापसिंह आर्थिक विकास महामंडळ स्थापन केले जाईल,छत्रपती संभाजीनगर मधे शूरवीर महाराणा प्रतापसिंह यांचा भव्य दिव्य पुतळा उभारण्यात येईल व देशाचे संरक्षण मंत्री ना. राजनाथसिंह यांच्या हस्ते उद्घाटन करण्यात येईल.
दि १४ रोजी छत्रपती संभाजीनगरातील अयोध्यानगरी मैदानावर झालेल्या वीरशिरोमणी महाराणा प्रतापसिंह महासंमेलनात जयकुमार रावल यांनी राजपूत समाजाच्या पुढे भामटा हा शब्द लागणे दुर्दैवी आहे, असे सांगितले. देशाच्या संरक्षणासाठी वीरमरण पत्करणारे सर्वाधिक राजपूत असताना त्यांना हे सहन करावे लागते हे चुकीचे आहे, असे माजी मंत्री जयकुमार रावल यांनी सांगितले.
उपमुख्यमंत्री देवेंद्र फडणवीस यांनी बोलताना सांगितले की,भामटा हा शब्द वापरला जाणार नाही, याची घोषणा करण्याची मुख्यमंत्री एकनाथ शिंदे यांना विनंती केली. त्यावेळी मुख्यमंत्री एकनाथ शिंदे यांनी फडणवीसांच्या विनंतीला दुजोरा दिला. त्यामुळे आता आता राजपूत समाजापुढे भामटा शब्द लागणार नाही.असे स्पष्ट केले.
