नवेगाव येथील प्रमुख रस्त्याची दुरवस्था; ग्रामस्थ, शेतकरी व विद्यार्थ्यांचे हाल — तात्काळ दुरुस्तीची मागणी
नवेगाव येथील प्रमुख रस्ता अत्यंत खराब अवस्थेत असून ये-जा करताना ग्रामस्थ, शेतकरी तसेच विद्यार्थ्यांना मोठ्या प्रमाणात अडचणींचा सामना करावा लागत आहे. खड्डे, चिखल आणि तुटलेल्या रस्त्यामुळे अपघाताचा धोका वाढला असून दैनंदिन जीवन विस्कळीत झाले आहे.
या रस्त्यावरून शाळकरी विद्यार्थी, महाविद्यालयीन युवक, शेतमाल वाहतूक करणारे शेतकरी तसेच रुग्णवाहिका व इतर अत्यावश्यक सेवा नियमितपणे प्रवास करतात. मात्र रस्त्याच्या दयनीय अवस्थेमुळे वेळेवर पोहोचणे कठीण झाले आहे.
याबाबत मी बबन पेंदोर, महाराष्ट्र ट्रायबल आघाडी जिल्हाध्यक्ष, चंद्रपूर, सर्व ग्रामस्थांच्या वतीने प्रशासनाकडे नम्र विनंती करतो की, या रस्त्याची तात्काळ दखल घेऊन लवकरात लवकर योग्य उपाययोजना करण्यात याव्यात व रस्त्याची कायमस्वरूपी दुरुस्ती करावी.
प्रशासनाने याकडे त्वरित लक्ष दिल्यास ग्रामस्थांना दिलासा मिळेल तसेच परिसरातील विकासाला गती मिळेल, अशी अपेक्षा व्यक्त करण्यात येत आहे.
